ტოკიოს ოლიმპიური თამაშების ჩემპიონი, 21 წლის ქართველი ძიუდოისტი ლაშა ბექაური აცხადებს, რომ სახელმწიფოსგან მიღებული მილიონი ლარით, უპირველესად ემიგრაციაში მყოფ დედასა და ბებიას დააბრუნებს სამშობლოში. ამის შესახებ ბექაურმა "ტვ პირველის" ეთერში განაცხადა.
"პირველ რიგში, ბებიაჩემი და დეიდაჩემი არიან საბერძნეთში, იქ მუშაობენ, ემიგრანტები არიან და მინდა ისინი ჩამოვიყვანო საქართველოში... ზოგადად, არ მიფიქრია, რას ვუზამ მილიონს. პირველ რიგში, მინდა ეს", - თქვა ლაშა ბექაურმა.
ლაშა ბექაურმა (90 კგ) ფინალში გერმანელი ედუარდ ტრიპელი დაამარცხა და კარიერაში პირველ ოლიმპიადაზე, პირველი ოქროს მედალი მოიპოვა.
საქართველოს მთავრობის ინიციატივით, ოლიმპიადის ოქროს მედალოსანს 1 მილიონი ლარი გადაეცემა.
