ამერიკის მეცნიერთა ფედერაცია აცხადებს, რომ ჩინეთი აფართოებს ბირთვული რაკეტების შენახვისა და მისი მოქმედებაში მოყვანის შესაძლებლობებს.
სატელიტიდან გადაღებული ფოტოები ცხადჰყოფს, რომ ჩინეთის დასავლეთით მდებარე სინძიანის პროვინციაში, პეკინი ბირთვული რაკეტების შესანახ ასზე მეტ ნაგებობას, ე.წ. სილოსს აშენებს.
პეკინის მზარდი ბირთვული ამბიციების გამო შეერთებული შტატების თავდაცვის დეპარტამენტის წარმომადგენლებმა შეშფოთება გამოხატეს.
ვარაუდობენ, რომ სინძიანში მდებარე ველზე, პეკინს 110 სილოსის განთავსება აქვს განზრახული. სილოსი მიწიქვეშა ნაგებობაა, რომელიც გამოიყენება რაკეტების შენახვისა და გაშვებისთვის.
გასულ თვეს, გამოცემა Washington Post-ი იტყობინებოდა, რომ სინძიანის გარდა, ჩინეთი სილოსებს აშენებს განსუს პროვინციაში. იუწყებოდნენ, რომ იქ 120 სილოსი დააფიქსირეს.
2020 წელს პენტაგონი აცხადებდა, რომ ჩინეთი გეგმავს თავისი ბირთვული მარაგების გაორმაგებას. იმ დროის ოფიციალური მონაცემების თანახმად, ჩინეთი 200-ზე მეტ ბირთვულ ქობინს ფლობდა.
შედარებისთვის, შეერთებული შტატები დაახლოებით 3 800 ქობინს ფლობს.
