ჯანმრთელობის მსოფლიო ორგანიზაციის ინფორმაციით, გასული კვირის განმავლობაში, გლობალური მასშტაბით კორონავირუსის ახალი შემთხვევები 8%-ით გაიზარდა, ხოლო სიკვდილიანობა - 21%-ით.
ჯანმო-ს მონაცემებით, მხოლოდ ერთ კვირაში დაფიქსირდა 3.8 მილიონზე მეტი ინფიცირების ახალი შემთხვევა და 69 ათასზე მეტი გარდაცვალება.
კორონავირუსით გარდაცვალების მაჩვენებლის ზრდა განსაკუთრებით სამხრეთ აზიაში (21 ათასზე მეტი ადამიანი გარდაიცვალა, 30% -ით მეტი, ვიდრე გასულ კვირას) და ამერიკაში დაფიქსირდა (28 ათასზე მეტი, 29%-ით მეტი).
ბოლო კვირის განმავლობაში, წინა შვიდ დღესთან შედარებით, ინფიცირების ახალი შემთხვევების რიცხვი 30%-ით გაიზარდა ამერიკაში, 25%-ით წყნარი ოკეანის დასავლეთ რეგიონში, ხოლო ევროპაში - 3%-ით. ამასთან, ეს მაჩვენებელი 9%-ით შემცირდა აფრიკაში, 7%-ით სამხრეთ-აღმოსავლეთ აზიაში და 4%-ით ხმელთაშუაზღვისპირეთში.
კვირის განმავლობაში ინფიცირების ყველაზე მაღალი რაოდენობა დაფიქსირდა შეერთებულ შტატებში (500,332), ბრაზილიაში (324,334), ინდონეზიაში (289,029), გაერთიანებულ სამეფოსა (282,920) და ინდოეთში (265,836).
