შეერთებული შტატების დაავადებათა კონტროლისა და პრევენციის ცენტრის (CDC) დირექტორის, როშელ ვალენსკის განცხადებით, კორონავირუსის შემდგომმა მუტაციურმა ვარიანტებმა, რომლებიც პოტენციურად შესაძლოა გაჩნდეს, მოსალოდნელია, რომ ვაქცინების ეფექტურობას გვერდი აუარონ.
"არსებული ვაქცინები მართლაც კარგად მოქმედებს მძიმე დაავადებებისა და გარდაცვალებისგან დასაცავად, მაგრამ დიდი საფიქრალი ისაა, რომ მოსალოდნელია, შემდეგმა ვარიანტმა, რომელიც შესაძლოა გაჩნდეს, გვერდი აუაროს ვაქცინების დაცვას", - თქვა ვალენსკიმ სამშაბათს გამართულ პრესკონფერენციაზე.
ვალენსკიმ დასძინა, რომ "ახლა, საბედნიეროდ, ჩვენ ამ მდგომარეობაში არ ვართ", ვინაიდან COVID-19-ის ამჟამინდელი ვაქცინები "ნამდვილად კარგად მოქმედებს მძიმე დაავადებებისა და სიკვდილისგან დასაცავად".
