თბილისის მეტროს საბურთალოს ხაზზე მგზავრთა მომსახურება განახლდა. ინფორმაციას თბილისის მერია ავრცელებს.
"აღნიშნულ ხაზზე ტექნიკური პრობლემის გამო, დღეს, 15:40 საათიდან, დროებით შეჩერებული იყო მგზავრთა მომსახურება. ტექნიკურმა ჯგუფმა დროულად შეძლო ხარვეზის აღმოფხვრა.
ამ ეტაპისთვის, მეტროს ორივე ხაზი ჩვეულ რეჟიმში აგრძელებს მგზავრთა გადაყვანას.
თბილისის სატრანსპორტო კომპანია ბოდიშს გიხდით შექმნილი დისკომფორტისთვის", - ნათქვამია განცხადებაში.
