"უნიქარდმა" ახალ ვებ-კატალოგზე მუშაობა დაასრულა და განახლებული ბეჭდური კატალოგი კი სულ მალე, 15 ნოემბრამდე გამოვა. ახალ კატალოგში 2 ათასამდე საჩუქარია შესული და მათი შერჩევა მომხმარებელს უკვე 12 ქულიდან შეეძლება. გარდა ამისა, „უნიქარდის" ვებ-კატალოგში უკვე განთავსებულია სამოგზაურო ტურების განახლებული ვარიანტიც.
როგორც „უნიქარდის" საზოაგდოებასთან ურთიერთობის ხელმძღვანელი ანა კოშაძე განარტავს, ახალი კატალოგი მომხარებელის ქცევაზე და დაკვირვებების შედეგად შეიქმნა.
„საჩუქრები მრავალფეროვანია და მოხმარებლის ყველა სეგმენტზეა გათვლილი. ნებისმიერ ადამიანს შეუძლია დააგროვოს ქულები და მიიღოს შესაბამისი საჩუქარი, არჩევანი საკმაოდ დიდია, რომელთა ჩამონათვალიც ასევე შეიძლება იხილოთ ჩვენს ვებ-საიტზე: www.unicard.ge" - აცხადებს ანა კოშაძე.
"უნიქარდის" ახალი ბეჭდური კატალოგის აღება შესაძლებელი იქნება, როგორც კომპანიის სერვის-ცენტრში, ასევე უნიქარდში ჩართულ ყველა კომპანიაში.
შეგახსენებთ, რომ "უნიქარდი" ბაზარზე 2010 წლის 8 აპრილიდან გამოჩნდა და საკმაოდ მოკლე დროში პოპულარული გახდა. დღეს "უნიქარდით" სარგებლობა 200-ზე მეტი კომპანიის 1000-მდე სავაჭრო ობიექტშია შესაძლებელი და სავაჭრო სეგმენტში არსებულ ყველა სფეროს მოიცავს. "უნიქარდმა" 1 ნოემბრამდე 87 157 საჩუქარი გასცა და 344 164 მოხმარებელი შეიძინა, მათ შორის პირველი სექტემბრიდან დღემდე 44 164 ახალი მომხმარებელი. საჩუქრების ღირებულება 12 ქულიდან იწყება. ნესმისმიერ ადამიანს შეუძლია დააგროვოს ქულები და მიიღოს შესაბამისი საჩუქარი.