BBC - ბრიტანეთის საზოგადოებრივი მაუწყებელი, ლეგენდარული ქართველი რეჟისორის, მხატვრის, სცენარისტის, მარიონეტების თეატრის დამფუძნებლის, რეზო გაბრიაძის გარდაცვალებას ეხმიანება.
როგორც BBC წერს, ლეგენდარული რეზო გაბრიაძე საერთაშორისო მასშტაბით ცნობილი იყო მარიონეტების თეატრის შესანიშნავი წარმოდგენებით, განსაკუთრებით სპექტაკლ "სტალინგრადის ბრძოლით".
ბრიტანული გამოცემა წერს, რომ რეზო გაბრიაძემ დაწერა საბჭოთა კავშირში ერთ-ერთი ყველაზე პოპულარული ფილმების, "მიმინოსა" და საკულტო სამეცნიერ-ფანტასტიკური კინოსურათის, "ქინ-ძა-ძას" სცენარები.
"როდესაც 2002 წელს "სტალინგრადის ბრძოლა" ლონდონში წარადგინა, მან BBC News- ს განუცხადა, რომ საბჭოთა კავშირის დროს ხშირად იდენტიფიცირებოდა დანიელ დეფოს რობინზონ კრუზოსთან, რადგან თავს ხედავდა ტოტალიტარული სახელმწიფოს უდაბნო კუნძულზე მსოფლიო კულტურისგან განდევნილად", - წერს გამოცემა.
მხატვარი, რეჟისორი, მწერალი, სცენარისტი რეზო გაბრიაძე 84 წლის ასაკში გუშინ გარდაიცვალა.
