დღეს, 5 ნოემბერს, 13:00 საათზე, სასტუმრო "შერატონ მეტეხი პალასში" საქართველოს ბიზნესასოციაციის წევრები პრემიერ-მინისტრის მრჩეველს, გიორგი პერტაიას შეხვდებიან. შეხვედრაზე განხილული იქნება თანამშრომლობის შედეგები და პერსპექტივები პრემიერის აპარატსა და ბიზნესასოციაციას შორის,
შეხვედრის ერთ-ერთი ძირითადი თემა იქნება ახალი საგადასახადო კოდექსის ამოქმედებამდე მისაღები ქვენორმატიულ აქტების შემუშავების პროცესში თანამშრომლობა.
შეხვედრაზე სპეციალური სტუმრის სტატუსით მოწვეულია "საქართველოს უსაფრთხოების ანალიტიკური ცენტრის" დირექტორი დევიდ სმიტი, რომელიც ისაუბრებს საქართველო-აშშ-ის პარტნიორობის საკითხებზე, აშშ-ში უკანასკნელ ხანს ჩატარებული კონგრესისა და სენატის არჩევნების შესაძლო შედეგებზე საქართელოსთვის და ამ შედეგების გავლენაზე ზოგადად აშშ-ის საგარეო პოლიტიკურ კურსსა თუ უსაფრთხოების პოლიტიკაზე.