სურსათის უვნებლობის, ვეტერინარიისა და მცენარეთა დაცვის ეროვნული სამსახურის ბაზაზე სურსათის ეროვნული სააგენტო იქმნება. "სურსათის უვნებლობისა და ხარისხის შესახებ კანონში" კანონში შესატან ცვლილებებზე საქართველოს პარლამენტში უახლოეს ხანებში იმსჯელებენ.
კანონპროექტის თანახმად, საჯარო სამართლის იურიდიულ პირს - საქართველოს სურსათის ეროვნულ სააგენტოს - უფლება ექნება, კანონმდებლობით გათვალისწინებული ვალდებულებების შესრულებასთან ერთად, ხელშეკრულების საფუძველზედაც განახორციელოს სხვადასხვა მომსახურება. აღნიშნული მომსახურებიდან მიღებული შემოსავალი კი კონკრეტული მიზნებისა და ფუნქციების განხორციელებას მოახმაროს.
რაც შეეხება კანონმდებლობით გათვალისწინებული შემთხვევების მომსახურებას, აღნიშნული საფასური თავად სახელმწიფო კონტროლის განმახორციელებელი ორგანოს სისტემის განვითარებას უნდა მოხმარდეს.
სურსათის უვნებლობისა და ხარისხის შესახებ კანონში ცვლილებების პროექტს პარლამენტი მომავალ კვირას განიხილავს.