შეერთებული შტატების ადმინისტრაცია მოუთმენლად ელის აშშ-ისა და რუსეთის პრეზიდენტების შეხვედრას, რადგან ვაშინგტონს სურს შეიტყოს, რა განზრახვები აქვს რუსეთს. ამის შესახებ თეთრი სახლის წარმომადგენელმა, კარენ ჟან-პიერმა ბრიფინგზე განაცხადა.
"სამიტი არ არის საჩუქარი რუსეთისთვის, ის ამერიკის ინტერესების დასაცავად არის. წინ ბევრი სამუშაოა", - თქვა ჟან-პიერმა.
მისი თქმით, ბაიდენის შეხვედრა პუტინთან არის "ყველაზე ეფექტური გზა რუსეთის გეგმების და ზრახვების გასაგებად".
ჯო ბაიდენი და ვლადიმირ პუტინი ერთმანეთს 16 ივნისს, ჟენევაში შეხვდებიან. ეს იქნება ჯო ბაიდენი პირველი შეხვედრა პუტინთან პრეზიდეტის რანგში.
კრემლის პრესსპიკერის, დმიტრი პესკოვის განცხადებით, მოლაპარაკებების შემდეგ რაიმე დოკუმენტზე ხელმოწერა ჯერჯერობით დაგეგმილი არ არის.
რუსეთის საგარეო საქმეთა მინისტრის, სერგეი ლავროვის თქმით, კრემლი პრეზიდენტების შეხვედრის შემდეგ რაიმე განსაკუთრებულ "გარღვევას" ორ ქვეყანას შორის ურთიერთობებში, არ მოელის.
ბაიდენმა განაცხადა, რომ პუტინთან შეხვედრაზე, მას მოსთხოვს, რომ პატივი სცეს ადამიანის უფლებებს.
