ხვალ, 5 ნოემბერს აჭარაში საერთაშორისო გამოფენა, "ADJARA FASHION PROJECT - 2010" და "ADJARA BRANDS - 2010"-ში მონაწილე კომპანიების რეგისტრაციის ვადა იწურება.
26-28 ნოემბერს, აჭარაში საერთაშორისო გამოფენა, "ADJARA FASHION PROJECT - 2010" და "ADJARA BRANDS - 2010"-ს გაიმართება. პროექტი ბათუმის მერიის, აჭარის განათლების, კულტურისა და სპორტის სამინისტროს, სასტუმრო `შერატონის~, თურქეთის საკონსულოს (კომერციული ატაშეს) მხარდაჭერით ხორციელდება და მასში ქართული და შავი ზღვის აუზის ქვეყნების (საქართველო, თურქეთი, უკრაინა და სხვა) სამშენებლო კომპანიები და სხვა ბრენდები მონაწილეობენ.
გამოფენის ორგანიზატორთა განმარტებით, საქართველოში, კერძოთ აჭარაში, სწრაფი ტემპით მიმდინარეობს აღმშენებლობითი პროცესი. კიდევ უფრო ლამაზდება და მშვენდება ბათუმი.
"გამოფენის მიზანია ხელი შევუწყოთ თქვენი ბიზნესის პოპულარიზაციას. საქმიანი და მეგობრული ურთიერთობის დამყარებას სხვადასხვა უცხოურ კომპანიებთან, თქვენი პროდუქციის რეკლამირებას და რეალიზაციას"- განმარტავენ "ADJARA FASHION PROJECT - 2010"-ისა და "ADJARA BRAND - 2010"-ის ორგანიზატორები.
გამოფენაში მონაწილეობის მსურველ კომპანიებს, გამოფენის ორგანიზატორები მაქსიმალურ საინფორმაციო სარეკლამო მომსახურებას და გამოფენის მაღალ ხარისხოვან ორგანიზებას პირდებიან.
გამოფენაზე მოწვეული არიან სტუმრები: ბიზნესმენები, ინვესტორები, საინვესტიციო კომპანიები, სარეკლამო კომპანიები, და აშ.
გამოფენაში მონაწილე კომპანიები, წარმოადგენენ მათ პროფუქციას სარეკლამო ბანერის სახით (საინფორმაციო სარეკლამო დაფა, პლაკატი, ბუკლეტი, მაკეტი, სარეკლამო ვიდეორგოლი ან სხვა საინფორმაციო საშუალებები), რომელიც განთავსებული იქნება საგამოფენო დარბაზში.
უკვე ცნობილია "ADJARA FASHION PROJECT - 2010"-ისა და "ADJARA BRANDS - 2010"-ის პროგრამა, რომლის მიხედვითაც, გამოფენის პირველი დღეს, ანუ 26 ნოემბერს - მოწვეულ სტუმრებთან ერთად გამოფენის გახსნა დაგეგმილი. 27 ნოემბერს კი გამოფენის დათვალიერება ნებისამიერი მსურველის შეეძლება, ხოლო 28 ნოემბერს დაგეგმილია გამოფენის დახურვა, საუკეთესო კომპანიებისა და ბრენდების დაჯილდოება.
"ADJARA FASHION PROJECT - 2010"-ისა და "ADJARA BRANDS - 2010"-ის დახურცის ცერელონიალზე, მოეწყობა `ფასჰიონ პარტყ" მოდების ჩვენება, რომელშიც მონაწილეობას მიიღებენ სარეკლამო-სამოდელო სააგენტოს მოდელი გოგონები. ასევე შეირჩევა ამა თუ იმ კომპანიის სარეკლამო სახეები, იმავდროულად გამოვლინდებიან "Miss Sheraton" და "Miss Adjara fashion".