ბორანს, რომელიც ინდონეზიის ჩრდილო-აღმოსავლეთის შორეული კუნძულისკენ მიემგზავრებოდა, ცეცხლი გაუჩნდა.
ბორტზე 200-მდე მგზავრი და ეკიპაჟის წევრი იმყოფებოდა. გავრცელებულ ვიდეოკადრებში ჩანს, თუ როგორ ხტებიან ცეცხლმოკიდებული ბორნიდან ადამიანები.
როგორც იუწყებიან შემთხვევას მსხვერპლი არ მოჰყოლია.
ინდონეზიის სამაშველო სამსახურის ინფორმაციით, ბორანზე მყოფი 195 მგზავრი, რომელთა შორის 22 ბავშვი და ეკიპაჟის 14 წევრი იყო, ახლომდებარე კუნძულზე გადაიყვენეს. სამაშველო ოპერაციაში ასევე მონაწილეობდნენ მეთევზეთა კატარღები, რომლებიც შემთხვევის ადგილიდან ახლოს იმყოფებოდნენ.
სავარაუდოდ, ცეცხლი ძრავას გაუჩნდა, რის შემდეგაც მთელ ბორანს მოედო.
