აშშ-ის საკვებისა და მედიკამენტების ადმინისტრაციამ „კოვიდ-19“-ის სამკურნალოდ, საგანგებო გამოყენებისთვის პრეპარატი „სოტროვიმაბი“ დაამტკიცა. პრეპარატს 12 წელზე ზემოთ ადამიანებებისთვის გამოიყენებენ.
როგორც ამერიკული მედია იუწყება, პრეპარტს შესწევს უნარი პაციენტს აარიდოს Covid-19-ით გამოწვეული მძიმე გართულებები და სივდილი.
პრეპარატი გამოყენებული იქნება იმათთვის, ვინც დაინფიცირდება კორონავირუსით და აქვს საშიშროება, რომ მისი მდგომარეობა, შესაძლოა, დამძიმდეს. სოტროვიმაბის გამოყენება არ იქნება ნებადართული უკვე ჰოსპიტალიზებული პაციენტებისთვის, რომლებიც საჭიროებენ ჟანგბადს ან ხელოვნურ სუნთქვას.
კვლევებმა აჩვენეს, რომ სოტროვიმაბი ეფექტურია ვირუსის სხვადასხვა ვარიანტის მიმართ.
პრეპარატის პოტენციური გვერდითი ეფექტები მოიცავს ანაფილაქსიას, გამონაყარსა და დირეას.
