ბელარუსის პრეზიდენტი ალიაქსანდრ ლუკაშენკა დასავლეთს აფრთხილებს, რომ ნებისმიერ სანქციაზე მკაცრი რაეგირება ექნება.
"ნებისმიერ სანქციაზე, თავდასხმასა და პროვოკაციაზე მკაცრი რეაგირება გვექნება. არა იმიტომ, რომ დაპირისპრება გვინდა კონტინენტის ცენტრში, არამედ იმიტომ რომ თქვენ, მანდ, დასავლეთში სხვა არჩევანს არ გვიტოვებთ, დღეს უნდა შეგაჩეროთ, რადგან ხვალ შესაძლოა, გვიანი იყოს", - განაცხადა ლუკაშენკამ პარლამენტში სიტყვით გამოსვლისას.
23 მაისს, ირლანდიური ავიაკომპანია Ryanair-ის თვითმფრინავს, რომელიც ათენიდან ვილნიუსში მიფრინავდა, მინსკში დაჯდომა აიძულეს.
ბორტზე ოპოზიციონერი ჟურნალისტი, Telegram-არხის Nexta-ს დამფუძნებელი რომან პროტასევიჩი იმყოფებოდა, რომელიც ბელარუსის ხელისუფლებამ დააკავა.
მომხდარის გამო, რამდენიმე ავიაკომპანიამ ბელარუსის საჰაერო სივრცეში ფრენაზე უარი თქვა. ევროკავშირი ბელარუსის ცაზე ყველა ევროპული ავიაკომპანიის ფრენებისა და ბელარუსსა და ევროკავშირს შორის სახმელეთო გადაზიდვების შეწყვეტის შესალებლობას განიხილავს.
