რუსეთი დიდი ბრიტანეთის ნომერ პირველი საფრთხეა. განაცხადა გაერთიანებული სამეფოს თავდაცვის მდივანმა, ბენ ოულოესმა The Telegraph-თან ინტერვიუში.
მისი განცხადებით, რუსული წყალქვეშა ნავები ბრიტანეთის მთელ სანაპიროსთან ახლოს რეგულარულად მოძრაობენ, ხოლო რუსული გემები ხშირად შემოდიან ბრიტანეთის საზღვაო წყლებში.
უოლესის განმარტებით, 2020 წელს 26 რუსული ხომალდი და 1 წყალქვეშა ნავი დააფიქსირეს, 2013 წლის შემდეგ კი 150 ასეთი შემთხვევა აღინუსხა.
ბენ უოლესის განცხადებით, როგორც წესი რუსული ხომალდები ლა მანშის სრუტესა და ჩრდილოეთის ზღვაში შემოდიან, თუმცა 2020 წლის ბოლოს, ალბათ პირველად, რუსული წყალქვეშა ნავი ირლანდიის ზღვაშიც დააფიქსირეს.
თავდაცვის მდივნის თქმით, ბრიტანეთმა უკვე სცადა არაერთი ხერხი დეესკალაციის მისაღწევად, მაგრამ ვითარების შემდგომი განვითარების პროგნოზირება რთულია, რადგან "ჩვენ ვსაუბრობთ ქვეყანაზე, რომელმაც სოლსბერიში ადამიანები მოკლა".
2018 წლის მარტში დიდი ბრიტანეთის სოლსბერიში მოიწამლეს GRU- ს ყოფილი ჯაშუში სერგეი სკრიპალი და მისი ქალიშვილი იულია. გამოძიების თანამხად, მათ მოსაწამლად გამოიყენეს შხამი, ნერვული აგენტი "ნოვიჩოკი".
ლონდონმა მომხდარში რუსეთის შეიარაღებული ძალების გენერალური შტაბის მთავარი დირექტორატისა და რუსეთს სამხედრო დაზვერვის წარმომადგენლები დაადანაშაულა. რუსეთი უარყოფს მომხდარში მონაწილეობას.
