იაპონიის ექიმთა გაერთიანება მოუწოდებს მთავრობას, გააუქმოს ტოკიოს ოლიმპიადა და პარაოლიმპიადა კორონავირუსის პანდემიის გამო. გაერთიანების წევრებმა იაპონიის ჯანდაცვის სამინისტროს წერილობითი მიმართვა გაუგზავნეს.
"ეს სპორტსმენებისთვის რთული იქნება, მაგრამ ვიღაცამ უნდა თქვას, რომ თამაშები უნდა გაუქმდეს. ჩვენ თხოვნით მივმართეთ მთავრობას, რადგან ვფიქრობთ, რომ სამედიცინო მუშაკებმა ამაზე უნდა ილაპარაკონ", - თქვა ნაოტო უეიამამ, ექიმთა ეროვნული გაერთიანების ხელმძღვანელმა.
გაერთიანების ხელმძღვანელი აცხადებს, რომ ოლიმპიური და პარაოლიმპიური თამაშები შესაძლოა ვირუსის გავრცელების ეპიცენტრი გახდეს, რადგან ათობით ათასი სპორტსმენი, მწვრთნელი და ჟურნალისტი ჩამოდის იაპონიაში მსოფლიოს სხვადასხვა ქვეყნიდან.
მისივე თქმით, მაშინაც კი თუ ოლიმპიადას მაყურებელი არ ეყოლება, ამ სპორტულმა მოვლენამ შეიძლება გამოიწვიოს ვირუსის ისეთი ვარიანტების გავრცელება, რომლებიც რეზისტენტულია ვაქცინების მიმართ.
"შეუძლებელია უსაფრთხო და უსაფრთხო ოლიმპიური თამაშების ჩატარება კორონავირუსის პანდემიის ფონზე, - წერს უეიამა. "მე კატეგორიულად ვეწინააღმდეგები მის ჩატარებას".
ოლიმპიადის გახსნა 23 ივლისს არის დაგეგმილი.
