ლიბანიდან ისრაელის მიმართულებით სამი რაკეტა ისროლეს. ინფორმაციას ისრაელის მედია თავდაცვის ძალებზე დაყრდნობით ავრცელებს.
ისრაელის თავდაცვის ძალების ინფორმაციით, რაკეტები ლიბანიდან ისრაელის ჩრდილოეთ სანაპიროს მიმართულებით გაისროლეს. რაკეტები ხმელთაშუაზღვაში ჩავარდა.
თავდაცვის ძალები კომენტარს არ აკეთებს იმაზე, თუ ვინ დგას სარაკეტო შეტევის უკან. თავის მხრივ ლიბანური მედია იუწყება, რომ იერიშის უკან პალესტინური დაჯგუფებები დგანან.
