ნავთობისა და გაზის ეროვნულმა სააგენტომ, საქართველოს VIIB, VIII, XIA, XIG, XIH და XIV სალიცენზიო ბლოკებზე ნავთობისა და გაზის რესურსებით სარგებლობის გენერალური ლიცენზიის მოსაპოვებლად, ღია ტენდერი გამოაცხადა.
ეროვნული სააგენტოს უფროსისადმი წერილობითი თხოვნის საფუძველზე, დაინტერესებულ პირებს შეუძლიათ მიიღონ საინფორმაციო პაკეტები სალიცენზიო ბლოკებისა და ტენდერის პირობების შესახებ.
საინფორმაციო პაკეტი მოიცავს: სალიცენზიო ფართობის ადგილმდებარეობასა და კოორდინატებს; ხელშეკრულების სამუშაო ვერსიას თითოეული ბლოკისთვის; მინიმალურ სავალდებულო ფინანსურ და ტექნიკურ მოთხოვნებს ყოველი ბლოკისთვის; ლიცენზიის გაცემისა და ხელშეკრულების გაფორმების გრაფიკს; განაცხადის შეტანის ინსტრუქციებს ტენდერში მონაწილეებისათვის,მონაწილეობის მოსაკრებლის ოდენობისა და მისი გადახდის ფორმის ჩათვლით.