საქართველოში შესაძლოა რეგიონალური მნიშვნელობის მქონე საბითუმო-სასაქონლო ბაზარი აშენდეს. აღნიშნულის შესახებ ჟურნალისტებს ინფორმაცია საქართველოს პრემიერ-მინისტრის პრეს-სპიკერმა ნიკო მჭედლიშვილმა მთავრობის დელეგაციის ჩინეთსა და ინდოეთში განხორციელებული ვიზიტების შედეგების შეფასებისას მიაწოდა.
მისი განმარტებით, საბითუმო-სასაქონლო ბაზრის აშენება ერთ-ერთ ჩინურ კომპანიას სურს.
"ბაზარი სავარაუდოდ თბილისთან ახლოს განთავსდება და ის არა მარტო საქართველოს, არამედ მთლიანად რეგიონს მოემსახურება" - განმარტა მჭედლიშვილმა.
რეგიონალური მნიშვნელობის ბაზრის მშენებლობა 2-3 თვეში დაიწყება. არაოფიციალური ინფორმაციით ის ლილოს ბაზრის ტერიტორიაზე განთავსდება.