იანვარ-სექტემბერში საქართველოში 6-პროცენტიანი ეკონომიკური ზრდა დაფიქსირდა. მთლიანი შიდა პროდუქტის ზრდის თაობაზე სტატისტიკის დეპარტამენტის ბოლო 9 თვის მონაცემები მედიას მთავრობის დღევანდელ სხდომაზე პრემიერ-მინისტრმა ნიკა გილაურმა გააცნო.
"გასული 9 თვე საკმაოდ კარგად გავიარეთ. პირველი სამი კვარტლის განმავლობაში საქართველოს ეკონომიკა 6 პროცენტით გაიზარდა, რაც ძალიან კარგი ციფრია", - განაცხადა ნიკა გილაურმა.
აღნიშნულის კონტექსტში პრემიერი იმედოვნებს, რომ 2010 წელს საქართველოს ეკონომიკა საერთო ჯამში 5,5-6 პროცენტიანი ზრდით დაასრულებს.