საქართველოს მთავრობა ჩინეთსა და ინდოეთში განხორციელებული ვიზიტების შედეგად ქვეყანაში ნახევარ მილიარდ დოლარზე მეტი ინვესტიციის შემოსვლას ელოდება.
"ჩვენ ვვარაუდობთ, რომ აზიური ტურნეს შედეგად შემდეგი 2-3 თვის განმავლობაში ქვეყანაში ჩინეთიდან და ინდოეთიდან ნახევარ მილიარდ დოლარზე მეტ ინვესტიციას წამოვიღებთ", - განაცხადა საქართველოს პრემიერ-მინისტრმა ნიკა გილაურმა მთავრობის დღევანდელ სხდომაზე და აქვე განმარტა, რომ ამ ორ ქვეყანას საქართველოსადმი ორგვარი დიანტერესება აქვს.
"პირველი _ მათ საქართველო აინტერესებთ, როგორც სატრანზიტო ქვეყანა (რადგან ჩინეთსა და ინდოეთს ევროკავშირის ქვეყნებთან და თურქეთთან მჭიდრო სავაჭრო ურთიერთობა აკავშირებს. საქართველოს მაქსიმალურად შეუძლია როგორც პორტების და აეროპორტის, ისე სარკინიგზო პოტენციალის გამოყენება) და მეორე: საქართველო როგორც პლატფორმა (რათა აქ მოხდეს ახალი სწარმოების გახსნა და წარმოებული პროდუქციის სხვადსხვა ქვეყანაში ექსპორტი)", - განმარტა ნიკა გილაურმა.
