ქერჩი-ფოთი-ბათუმის ბორანმა ილიჩევსკის პორტს და ოდესის რკინიგზას ტვირთები წაართვა.
ამის შესახებ განცხადებას ოდესის რკინიგზის ხელმძღვანელი ილია ლევიცკი აკეთებს.
"ოდესის რკინიგზას ქერჩიდან საქართველოს მიმართულებით ბორანის გახსნამ დარტყმა მიაყენა. ის რომ ილიჩოვსკის საბორნე კომპლექსი არ გამოიყენება, ძალიან სერიოზულია. ამაზე გავლენის მოხდენა ჩვენ არ შეგვიძლია, რადგანაც ქერჩიდან ფოთის პორტამდე მანძილი ბევრად ნაკლები და იმავდროულად იაფია,"- განაცხადა ოდესის რკინიგზის დირექტორმა.
მან ასევე აღნიშნა, რომ აუცილებელია ილიჩევსკის პორტთან ერთად განხილულ იქნას საკითხი შესაბამისი სიმძლავრეების დასატვირთად. ბორანი ქერჩი-ფოთი-ბათუმი უკვე 1,5 წელია რაც მოქმედებს და შესაბამისი შედეგებიც გაჩნია.
ამ პერიოდში ბორნით გადატანილია 192,3 ათასი ტონა ტვირთი. ბორანი 108 ვაგონს და 30 საატვირთო ავტომანქანას იტევს. მიმდინარე წლის 8 თვეში განხორციელებულია 38 რეისი.