ბათუმში, კოვიდსასტუმროში 55 წლის ქალი გარდაიცვალა. ინფორმაციას აჭარის ჯანდაცვის სამინისტრო ავრცელებს.
„გარდაცვლილია 55 წლის ქალი. რომელსაც თავიდან აღენიშნებოდა რამოდენიმე დღიანი ცხელების ანამნეზი. 23 აპრილს, დაუდასტურდა კოვიდინფექცია. 24აპრილს მოთავსდა ერთ-ერთ კოვიდსასტუმროში. 26 აპრილს ჩაუტარდა პროტოკოლით გათვალისწინებული კვლევები.
პაციენტის ბოლო 3 დღე იყო უსიმპტომო. შესაბამისად, გუშინ საღამოს 21.30 სასტუმროში ბოლო სამედიცინო შემოვლისას პაციენტი იყო სტაბილურად სიმპტომების გარეშე..
დილით, 12:00 საათზე დაფიქსირდა გარდაცვალების ფაქტი. შესაბამისი უწყებების მიერ მოხდება ფაქტის შესწავლა და გარდაცვალების მიზეზის დადგენა“, - ნათქვამია გავრცელებულ განცხადებაში.
