რუსეთის საგარეო საქმეთა სამინისტროს განცხადებით, მოსკოვმა ქვეყანაში შესვლა აუკრძალა ევროპარლამენტის პრეზიდენტს დევიდ სასოლის და ევროკავშირის ქვეყნების რამდენიმე მოქალაქეს.
რუსეთის საგარეო საქმეთა სამინისტრო აცხადებს, რომ ამ ზომას იღებს, ევროკავშირის საბჭოს მიერ რუსეთის ექვსი მოქალაქის წინააღმდეგ 2 და 22 მარტს დაწესებული შეზღუდული ზომების საპასუხოდ.
იმ პირთა სია, რომლებსაც რუსეთის ფედერაციაში შესვლაზე უარი ეთქვათ:
დევიდ სასოლი - ევროპარლამენტის პრეზიდენტი;
ვერა ჟუროვა - ევროკომისიის ვიცე-პრეზიდენტი;
აივარ აბოლინში - ლატვიის ელექტრონული მედიის ეროვნული საბჭოს დირექტორი;
მარის ბალტინში - ლატვიის სახელმწიფო ენის ეროვნული ცენტრის დირექტორი;
ჟაკ მერი - საფრანგეთის დელეგაციის წევრი ევროპის საბჭოს საპარლამენტო ასამბლეაში;
იორგ რაუპახი - ბერლინის მთავარი პროკურორი;
ოსა სკოტი - შვედეთის სამეფოს თავდაცვის კვლევითი ინსტიტუტის ქიმიური, ბიოლოგიური, რადიაციული და ბირთვული უსაფრთხოების ლაბორატორიის ხელმძღვანელი;
ილმარ ტომუსკი - ესტონეთის ენის დეპარტამენტის უფროსი.