ბულგარეთის საგარეო საქმეთა სამინისტრო რუსი დიპლომატი პერსონა ნონ გრატად გამოაცხადა.
ამასთან, ბულგარეთის საგარეო საქმეთა სამინისტრომ მოუწოდა რუსეთის სამართალდამცავ ორგანოებს, სრული დახმარება აღმოუჩინონ სოფიას „ბულგარეთის იარაღის საცავებში მომხდარი აფეთქებების, ხანძარსაწინააღმდეგო მასალების განადგურებისა და სამი ბულგარელის მოწამვლის გამოძიებაში“.
28 აპრილს ბულგარეთის მთავარ პროკურატურაში განაცხადეს, რომ 2011-2020 წლებში იარაღის საწყობებსა და საწარმოში მომხდარ ოთხ აფეთქებასთან კავშირში რუსეთის ექვსი მოქალაქეა ეჭვმიტანილი.
მანამდე ჩეხეთის ხელისუფლებამ რუსული სეპცსამსახურები 2014 წელს ქალაქ ვრბეტიცეში, საბრძოლო მასალების საწყობში მომხდარ აფეთქებაში დაადანაშაულა.
ბულგარეთის პროკურატურა ასევე სწავლობს, ჩეხეთსა და ბულგარეთში მომხდარ აფეთქებებს შორის კავშირებს. გავრცელებული ცნობებით, ჩეხეთის საწყობების აფეთქებასთან დაკავშირებული რუსეთის სპეცსამსახურების თანამშრომლები ასევე მონაწილეობდნენ, ბრიტანეთში ყოფილი აგენტის სკრიპალისა და მისი ქალიშვილის მოწამვლაში.
საბრძოლო მასალების საწყობებში, სადაც აფეთქება განხორციელდა, საქართველოსა და უკრაინაში საექსპორტოდ განკუთვნილი იარაღი ინახებოდა.
