სემეკმა სს „თელასის“ სახელზე ელექტროენერგიის განაწილების ლიცენზია გასცა. აღნიშნულის საფუძველს წარმოადგენს საქართველოს კანონი „ენერგეტიკისა და წყალმომარაგების შესახებ“ და სხვა კანონქვემდებარე ნორმატიული აქტები, რომლის მიხედვითაც ელექტროენერგეტიკის გამანაწილებელმა კომპანიებმა უნდა განახორციელონ მიწოდებისა და განაწილების საქმიანობების გაყოფა.
განაწილების ლიცენზიის საფუძველზე, განაწილების ლიცენზიატი უფლებამოსილი იქნება:
- სალიცენზიო საქმიანობის არეალში განახორციელოს განაწილების საქმიანობა „ენერგეტიკისა და წყალმომარაგების შესახებ“ საქართველოს კანონის, ბაზრის წესების, ქსელის წესებისა და სხვა სამართლებრივი აქტების შესაბამისად;
- გამანაწილებელი სისტემის მოსარგებლეებს, რომელთა მოწყობილობები მიერთებულია გამანაწილებელ ქსელთან, მოსთხოვოს სალიცენზიო საქმიანობისათვის საჭირო ინფორმაცია „ენერგეტიკისა და წყალმომარაგების შესახებ“ საქართველოს კანონის, ბაზრის წესების, ქსელის წესებისა და სხვა შესაბამისი სამართლებრივი აქტების შესაბამისად;
- მოითხოვოს ინფორმაცია ენერგეტიკულ სისტემასთან მიერთებული სხვა პასუხისმგებელი სისტემის ოპერატორებისგან, გადამცემი და გამანაწილებელი სისტემის ოპერატორების ჩათვლით, როდესაც ასეთი ინფორმაცია, როგორიცაა საოპერაციო და აღრიცხვის მონაცემები, საჭიროა გამანაწილებელი სისტემის ოპერატორის ფუნქციების შესასრულებლად, „ენერგეტიკის და წყალმომარაგების შესახებ“ საქართველოს კანონის, ბაზრის წესების, ქსელის წესების, ტექნიკური წესებისა და სხვა შესაბამისი სამართლებრივი აქტების შესაბამისად.
