"უნიქარდი" პარტნიორების რაოდენობას ზრდის, რაც მომხმარებლის ზრდაზე ადეკვატურად აისახება.
"უნიქარდის" პარტნიორ 70-მდე მარკეტების რიცხვს უკვე დაემატა სუპერმარკეტები "თელეთი", "ლიდერი XXI", "ჯეო მარკეტი" და "სითი მარკეტი", სადაც "უნიქარდით" სარგებლობა უკვე შესაძლებელია.
სუპერმარკეტებში კლიენტს ყოველ დახარჯულ 10 ლარზე 1 ქულა უგროვდება. გარდა ამისა, ოთხივე მათგანი ასევე ჩართულია სუპერმარკეტების აქციაშიც.
იამავდროულად, "უნიქარდი" უახლოეს თვეებში მომხმარებელთა მნიშვნელოვან ზრდას ელის, რაც წამახალისებელ აქციებს უკავშირდება. ამ დროისათვის რამდენიმე აქცია უკვე მიმდინარეობს - „უნიქარდი თქვენი უბნის მარკეტებში" (5 ქულა + 5 ქულა) და მაღაზიათ ქსელ „ჯორდანოსთან ერთობლივი აქცია, რომლის ფარგლებში ბარათის მფლობელები გასამმაგებულ ქულებთან ერთად 20 პროცენტამდე ფასდაკლებითაც ისარგებლებენ.
"უნიქარდმა" 1 ნოემბრამდე 71 006 საჩუქარი გასცა და პირველი სექტემბრიდან დღემდე 44 164 ახალი მომხმარებელი შეიძინა. საჩუქრები მრავალფეროვანია და მომხმარებლის ყველა სეგმენტზეა გათვლილი. საჩუქრების ღირებულება 15 ქულიდან იწყება. ნებისმიერ ადამიანს შეუძლია დააგროვოს ქულები და მიიღოს შესაბამისი საჩუქარი.