სულ მცირე 27 ადამიანი ემსხვერპლა ერაყის დედაქალაქ ბაღდადში, კოვიდკლინიკაში გაჩენილ ხანძარს.
იბნ ხატიბის კლინიკაში შაბათს, გვიან ღამით გაჩენილი ხანძრის შედეგად ასზე მეტი ადამიანი დაშავდა.
ადგილობრივი მედიის ინფორმაციით, ხანძარი კლინიკის რეანიმაციულ განყოფილებაში გაჩნდა და ის ჟანბგადის ბალონის აფეთქებამ გამოიწვია. როგორც იუწყებიან, კლინიკა არ იყო აღჭურვილი ხანძარსაწინააღმდეგო სისტემით, რის გამოც ცეცხლი ადვილად მოედო ფართო ტერიტორიას.
თვითმხილველები ყვებიან, რომ ხედავდნენ, ხანძრისგან თავის დასაღწევად, თუ როგორ ხტებოდნენ ადამიანები ფანჯრიდან.
ერაყის პრემიერ-მინისტრმა მუსტაფა ალ-ქადიმმა "ტრაგიკული შემთხვევის" სასწრაფოდ გამოძიება მოითხოვა.
