კინოვარსკვლავები ამერიკის კინოაკადემიის ჯილდოს ცერემონიისთვის ემზადებიან, რომელიც კორონავირუსის პანდემიის მიუხედავად, კვლავ წლის მთავარ კინომოვლენად რჩება.

ოსკარების დაჯილდოების ცერემონიალი კვირას, 25 აპრილს ადგილობრივი დროით 17:00 საათზე დაიწყება, თბილისის დროით ორშაბათს, დილის 04:00 საათზე.

"ოსკარების" ცერემონიალის პირდაპირი ტრანსლირების უფლება მრავალი წელია ტელეკომპანია ABC-ის აქვს შესყიდული. პირდაპირი ეთერით ტკბობა მსოფლიოს 225-ზე მეტ ქვეყანაში იქნება შესაძლებელი.

წლევანდელი ღონისძიება ჩვეულებრივზე ორი თვით გვიან ტარდება, მას შემდეგ, რაც იგი პანდემიის გამო ორჯერ გადაიდო.

დაჯილდოების ცერემონიის ძირითადი ელემენტები ტრადიციულად ლოს ანჯელესში ჩატარდება. ღონისძიება გაყოფილი იქნება ქალაქის ორ სხვადასხვა ლოკაციაზე - დოლბის თეატრსა და რკინიგზის სადგურის ისტორიულ შენობაში.

გარდა ამისა, ღონისძიებაში ჩართული იქნება ლონდონისა და პარიზის სტუდიები. ლონდონში ოსკარზე ნომინირებული ბრიტანელი მსახიობები და რეჟისორები მოიყრიან თავს, პარიზის სტუდიაში კი ფრანგი ნომინანტები.

ოსკარის ნომინანტებს ორგანიზატორებმა ურჩიეს, რომ ეცადონ თავი აირიდონ ისეთი ვირტუალური პლატფორმების გამოყენება, როგორიცაა Zoom-ი.

შოუს პროდიუსერებმა განაცხადეს, რომ ისინი "ყველანაირად ცდილობენ დამსწრეთა უსაფრთხო და სასიამოვნო საღამოს უზრუნველყოფას".

რომელ ფილმებს აქვთ ყველაზე მეტი ნომინაცია?

10 ნომინაცია - მანკი

6 - მამა

6 - იუდა და შავი მესია

6 - მინარი

6 – ნომადლენდი - მომთაბარეთა მიწა

6 - მეტალის ხმა

6 - ჩიკაგოს სასამართლო პროცესი 7

მოელიან, რომ ნომადლენდი სავარაუდოდ 3 მთავარ კატეგორიაში გაიმარჯვებს - საუკეთესო მხატვრული ფილმი, საუკეთესო მსახიობი ქალი (ფრენსის მაკდორმანდი) და საუკეთესო რეჟისორი (ქლოა ჩჟაო).

ქლოა ჩჟაო ერთ-ერთია ოსკარზე ნომინირებული ორი ქალი რეჟისორიდან. მეორე რეჟისორი ემერალდ ფენელია ფილმისთვის "იმედისმომცემი ახალგაზრდა ქალი". ოსკარების ისტორიაში ეს პირველი შემთხვევაა, როდესაც საუკეთესო რეჟისორის კატეგორიაში გასამარჯვებლად ერთდროულად ორი ქალი იბრძვის.

მამაკაცის როლის საუკეთესო შესრულებისთვის ფილმში "მა რეინი - ბლუზის დედა" - ოსკარი შესაძლოა ჩედვიკ ბოუსმანს ერგოს, რომელიც გასულ წელს გარდაიცვალა.

ვარაუდობენ, რომ მამაკაცის მეორეხარისხოვანი როლის საუკეთესო კატეგორიაში გამარჯვების ყველაზე მაღალი შანსი დანიელ კალუიას (იუდა და შავი მესია) აქვს.

ქალის მეორეხარისხოვანი როლის საუკეთესოდ შესრუოლებისთვის კი გამარჯვებას იუნ იეო ჯონს (მინარი) უწინასწარმეტყველებენ.

კინოკრიტიკოსების მტკიცებით, ყველაზე საინტერესო და მრავალფეროვანი შემადგენლობით საუკეთესო მსახიობი ქალის კატეგორია გამოირჩევა. ხუთი ნომინანტიდან ოთხმა მსახიობმა ქალმა უკვე მიიღო ამ სეზონში მინიმუმ ერთი მთავარი პრემია სხვადასხვა დაჯილდოებაზე:

ანდრა დეიმ ოქროს გლობუსი მიიღო კინოსურათში "ბილი ჰოლიდეი" შესრულებული როლისთვის.

ვიოლა დევისმა კინომსახიობთა გილდიის მთავარი ჯილდო მოიპოვა ფილმ "მა რეინი - ბლუზის დედა"-ში შესრულებული როლისთვის.

კერი მილიგანის შესრულებული როლი ფილმში "იმედისმომცემი ახალგაზრდა ქალი"კრიტიკოსთა რჩეული გახდა.

ფრენსკის მაკდორმანდმა (Nomadland) კი BAFTA-ს ნომინაცია მოიპოვა.

ვანესა კირბიმ (Pieces of Woman) ვენეციის კინოფესტივალზე საუკეთესო მსახიობის ჯილდო მიიღო.

გამოცემა Hollywood Reporter-ის პროგნოზის მიხედვით, სხვადასხვა ნომინაციაში გამარჯვებულები შემდეგნაირად განაწილდებიან:

საუკეთესო ფილმი - ნომანდლენდი - მომთაბარეთა მიწა

საუკეთესო რეჟისორი - ქლოა ჩჟაო (ნომადლენდი)

საუკეთესო მსახიობი კაცი - ჩედვიკ ბოუსმანი (მა რეინი - ბლუზის დედა)

საუკეთესო მსახიობი ქალი - ფრენსის მაკდორმანდი (ნომადლენდი)

საუკეთესო მეორეხარისხოვანი როლის შესრულებისთვის მსახიობი კაცი - დანიელ კალუია (იუდა და შავი მესია)

საუკეთესო მეორეხარისხოვანი როლის შესრულებისთვის მსახიობი ქალი - უნ იეო ჯონგი (მინარი)

ამერიკის კინოაკადემიამ წლევანდელი ოსკარის 76 ნომინაციაში ქალი დაასახელა, რაც რეკორდული მაჩვენებელია.

ოსკარის ნომინანტების სია იხილეთ ბმულზე.