ამერიკის შეერთებული შტატების ელჩის დევიდ სატერფილდი თურქეთის საგარეო საქმეთა სამინისტროში დაიბარეს მას შემდეგ, რაც პრეზიდენტმა ჯო ბაიდენმა ოსმალეთის იმპერიის მიერ სომეხთა მასობრივ ხოცვა-ჟლეტას გენოციდი უწოდა.
თურქეთის საგარეო საქმეთა სამინისტროში ელჩს უთხრეს, რომ ანკარა სრულებით მიუღებელს უწოდებს ჯო ბაიდენის განცხადებას 1915 წლის მოვლენებთან დაკავშირებით და მკაცრად გმობს მას.
ელჩთან შეხვედრაზე თურქეთს საგარეო უწყებაში განაცხადეს, რომ ბაიდენის განცხადებას საერთაშორისო სამართლის კონტექსტში ძალა არ გააჩნია და იგი გამოუსწორებელ ზიანს აყენებს თურქულ-ამერიკულ ურთიერთობებს.
მანამდე, თურქეთის საგარეო საქმეთა სამინისტრომ ოფიციალური განცხადება გაავრცელა ბაიდენის მიერ სომხეთა გენოციდის აღიარების გამო. თურქეთის საგარეო საქმეთა სამინისტროს განცხადებით, ბაიდენის მიერ სომეხთა გენოციდის აღიარება "სომხური რადიკალური წრეებისა და ანტითურქული ჯგუფების ზეწოლით მოხდა".
თურქეთის საგარეო საქმეთა მინისტრმა, მევლუთ ჩავუშოღლუმ განაცხადა, რომ თურქეთი ისტორიის გაკვეთილებს არავისგან მიიღებს და ბაიდენის განცხადება პოპულიზმზეა დაყრდნობილი.
სომხეთის პრეზიდენტი და პრემიერ-მინისტრი მიესალმნენ ჯო ბაიდენის განცხადებას სომეხთა გენოციდის აღიარების შესახებ.
