დღეს, 3 ნოემბერს, 11:00 საათზე, გამოფენების ცენტრ "ექსპო ჯორჯიას" ტერიტორიაზე, მე-11 პავილიონში, სოფლის მეურნეობის, კვების მრეწველობისა და სასმელების შემფუთავი და გადამამუშავებელი ტექნოლოგიების მე-10 საერთაშორისო გამოფენა იხსნება. გამოფენას გახსნის სოფლის მეურნეობის მინისტრი ბაკურ კვეზერელი.
ღონისძიების მხარდამჭერია საქართველოს სოფლის მეურნეობის სამინისტრო და ქალაქ თბილისის მერია.
გამოფენა 3-6 ნოემბრამდე გაგრძელდება. 48 საგამოფენო სტენდზე წარმოდგენილია 50-ზე მეტი კომპანიის პროდუქტი და მომსახურება: ავსტრიიდან, აზერბაიჯანიდან, გერმანიიდან, ესპანეთიდან, ინდოეთიდან, ირანიდან, იტალიიდან, ლიბანიდან, საფრანგეთიდან, საქართველოდან, უკრაინიდან და თურქეთიდან.
გამოფენაზე დამთვარიელებელს საშუალება ექნება, გაეცნოს ადგილობრივი და უცხოური კომპანიების პროდუქციასა და მომსახურებებს, შეხვდეს ამ დარგის სპეციალისტებს, მიიღოს მათგან კვალიფიციური რჩევები და გაეცნოს თანამედროვე ტექნოლოგიებს.
