ევროკავშირისა და შეერთებული შტატები სამიტი ივნისში, ბრიუსელში პრეზიდენტ ჯო ბაიდენის ვიზიტის ფარგლებში გაიმართება. ინფორმაციას ევროპული საბჭოსა და ევროკომისიის პრეზიდენტები ავრცელებენ.
მათი ცნობით, სამიტი პანდემიის, კლიმატის, უსაფრთხოებისა და მულტილატერალიზმის საკითხებზე გაიმართება.
"პრეზიდენტ ურსულა ფონ დერ ლაიენთან ერთად, დიდი სიამოვნებით ვაცხადებ, რომ ევროკავშირისა და აშშ-ის სამიტი ივნისში ჯო ბაიდენის ბრიუსელში ვიზიტის დროს გაიმართება. განვიხილავთ ევროკავშირისა და აშშ-ის ძლიერი ალიანსის აღდგენასა და ძალისხმევის გაერთიანებას ისეთ საკითხებზე როგორიცაა კორონავირუსი, კლიმატი, უსაფრთხოება და მულტილატერალიზმი", - აღნიშნავს შარლ მიშელი.
თეთრი სახლის ინფორმაციით, ჯო ბაიდენი პრეზიდენტის რანგში პირველ საზღვარგარეთ ვიზიტებს ბელგიასა და დიდ ბრიტანეთში გამართავს. ვიზიტი 11-14 ივნისს გაიმართება და ბაიდენი მონაწილეობას მიიღებს ევროკავშირთან სამიტში, ნატოს სამიტსა (14 ივნისი) და დიდი შვიდეულის სამიტში.
