რუსი ოპოზიციონერი ალექსი ნავალნი შიმშილობას წყვეტს. ამის შესახებ მან ინსტაგრამზე დაწერა.
როგორც ნავალნი სოციალურ ქსელში წერს, შიმშილობის შეწყვეტა ეტაპობრივად, 24 დღის განმავლობაში მოხდება.
"არ ვცვლი ჩემთან აუცილებელი ექიმის დაშვების მოთხოვნას. ხელებსა და ფეხებში მგრძნობელობა მეკარგება და მსურს გავიგო, რა არის ეს და როგორ ვუმკურნალო, მაგრამ ამ პროცესის პროგრესის და ყველა ვითარების გათვალისწინებით, ვიწყებ შიმშილობის შეწყვეტას. წესების თანახმად, ამას ასევე 24 დღე დასჭირდება და ამბობენ, რომ ეს შიმშილობაზე რთულიც კია. ასე რომ წარმატება მისურვეთ"- წერს ალექსეი ნავალნი.
ნავალნიმ შიმშილობა დაიწყო 31 მარტს, ვლადიმირის რეგიონის კოლონიაში ყოფნისას, სადაც იგი სასამართლოს გადაწყვეტილებით გაგზავნეს სასჯელის მოსახდელად.
