ეპიდემიოლოგიური ვითარების გამწვავების ფონზე, იაპონიის ხელისუფლება გეგმავს, საგანგებო მდგომარეობა გამოაცხადოს დედაქალაქსა და კიდევ სამ სხვადასხვა რეგიონში.
ბოლო 24 საათში, იაპონიაში ვირუსით ინფიცირების, 5 200-ზე მეტი შემთხვევა გამოვლინდა, რაც ყველაზე მაღალი მაჩვენებელია ბოლო თვეების განმავლობაში.
ადგილობრივი მედიის ცნობით, საგანგებო მდგომარეობის ფარგლებში, შეზღუდვები კიდევ უფრო გამკაცრდება ტოკიოში, ოსაკას, კიოტოსა და ჰიოგოს რეგიონებში.
როგორც იუწყებიან, ხელისუფლება დღეს გამოაცხადებს საგანგეობო მდგომარეობას. ჯერჯერობით უცნობია დეტალები, თუ რა მოჰყვება საგანგებო ვითარების გამოცხადებას, თუმცა წინასწარ ვრცელდება ცნობები, რომ შესაძლოა დაიხუროს მსხვილი სავაჭრო ობიექტები, სავაჭრო ცენტრები, რესტორნები.
ვარაუდობენ, რომ საგანგებო მდგომარეობა 25 აპრილიდან 11 მაისის ჩათვლით იქნება გამოცხადებული.
ამასთან, ეპიდემიოლოგიური ვითარების დამძიმება შეშფოთებას იწვევს იმ ფონზე, რომ ზაფხულში ტოკიოში ოლიმპიადა უნდა გაიმართოს.
