ინდოეთში ზედიზედ მერე დღეა კორონავირუსით ინფიცირების რეკორდული დღიური მაჩვენებელი ფიქსირდება. ბოლო 24 საათში, ქვეყანაში 332 730 ახალი შემთხვევა აღირიცხა.
წინა დღეს 314 000-ზე მეტი ახალი შემთხვევა გამოვლინდა.
პანდემიის დაწყების დღიდან ინდოეთში კორონავირუსით 16 მილიონზე მეტი ადამიანი დაინფიცირდა.
გაიზარდა სიკვდილობის მაჩვენებელიც. ბოლო 24 საათში, კოვიდ-19-ით 2 263 ადამიანი გარდაიცვალა. სულ ვირუსულ ინფექციას 186 920 ადამიანი ემსხვერპლა.
კორონავირუსის რეკორდული რაოდენობის გამოვლენის გამო, ინდოეთის ჯანდაცვის სექტორი კრიტიკულ ზეწოლას განიცდის. გასული კვირის ბოლოს, დედაქალაქ ნიუ დელის ექვსმა კლინიკამ განაცხადა, რომ მათ სრულად ამოწურეს ჟანგბადის მარაგები. ვითარება განსაკუთრებით მძიმე რეგიონულ კლინიკებში.
