სამხრეთ კორეაში ბელგიის ელჩის ცოლმა მაღაზიის კონსულტანტს სილა გააწნა.
სოციალურ ქსელში გამოქვეყნებულ კადრებში ჩანს, რომ მაღაზიის კონსულტანტთან სიტყვიერი დაპირისპირების დროს, ელჩის მეუღლე სახეში ურტყამს ახალგაზრდა გოგონას.
როგორც მოგვიანებით გახდა ცნობილი, მაღაზიის კონსულტანტებს სურდათ შეემოწმებინათ, იყო თუ არა გადახდილი სამოსის ღირებულება, რომელიც ელჩის ცოლს მაღაზიიდან გაჰქონდა.
ინცინდენტთან დაკავშირებით, ბელგიის საელჩომ გაავრცელა განცხადება, სადაც აღნიშნულია, რომ ელჩის 63 წლის მეუღლეს ინსულტი დაემართა, ამჟამად საავადმყოფოში იმყოფება და გამოჯანმრთელების შემდეგ პოლიციასთან ითანამშრომლებს.
ინცინდენტი 9 აპრილს, სეულის ერთ-ერთ მაღაზიაში მოხდა.
ელჩმა მეუღლის "სრულიად მიუღებელი" საქციელისთვის ბოდიში მოიხადა.
