რუსეთის საგარეო საქმეთა სამინისტრო პროტეტს გამოთქვამს ჩეხეთიდან რუსი დიპლომატების გაძევების გამო და საპასუხო ზომების მიღებას გეგმავს.
"მივიღებთ საპასუხო ზომებს, რომელიც აიძულებს ამ პროვოკაციის ავტორებს სრულად გააცნობიერონ პასუხისმგებლობა ჩვენს ქვეყნებს შორის ნორმალური განვითარების საფუძვლების განადგურებისთვის", - ნათქვამია უწყების განცხადებაში.
რუსეთის საგარეო უწყება ასევე აღნიშნავს, რომ ჩეხეთის ხელისუფლებამ ამ ქმედებით აშშ-ის სანქციებსაც კი გადააჭარბა.
"აშშ-ის მოსაწონებლად, რუსეთის წინააღმდეგ ამერიკული სანქციების ფონზე, ჩეხეთის ხელისუფლებამ ამ ნაწილში თავის ამერიკელ პატრონებსაც კი აჯობა", - აღნიშნულია რუსეთის საგარეო საქმეთა სამინისტროს ინფორმაციაში.
უწყებაში ამბობენ, რომ რუსული სპეცსამსახურების დადანაშაულება 2014 წელს ვრბეტიცის სამხედრო საწყობში მომხდარ აფეთქებასთან, რაც დიპლომატების გაძევების მიზეზი გახდა, აბსურდულია.
გუშინ, ჩეხეთის საგარეო საქმეთა მინისტრმა იან გამაჩეკმა განაცხადა, რომ პრაღაში რუსეთის საელჩოს 18-მა თანამშრომელმა ქვეყანა 48 საათის განმავლობაში უნდა დატოვოს. პრაღამ დიპლომატები რუსეთის სპეცსამსახურების სასარგებლოდ მუშაობაში დაადანაშაულა.
ამასთან, ჩეხეთს პრემიერმა ანდრეი ბაბიშმა განაცხადა, რომ ხელისუფლება რუსეთს ადანაშაულებს 2014 წელს ვრბეტიცის საბრძოლო მასალების საცავში მომხდარ აფეეთქებაში.
როგორც ადგილობრივი მედია იუწყება, აფეთქების მიზანს უკრაინაში საბრძოლო მასალების გაგზავნისთვის ხელის შეშლა წარმოადგენდა. ჩეხეთის საგარეო საქმეთა მინისტრი ვრბეტიცის საქმის განხილვას ევროკავშირის საგარეო საქმეთა მინისტრებთან ორშაბთს დაგეგმილ შეხვედრაზე აპირებს.