გერმანიის კანცლერი ანგელა მერკელი AstraZeneca-ს ვაქცინით აიცრა. ინფორმაციას გერმანიის მთავრობის პრესსპიკერი შტეფან ზაიბერტი ავრცელებს.
"მოხარული ვარ, რომ დღეს AstraZeneca-ს ვაქცინის პირველი დოზა მივიღე. მინდა მადლობა გადავუხადო ყველას, ვინც ვაქცინაციის კამპანიაში მონაწილეობს. ვაქცინაცია პანდემიის დაძლევის მთავარი იარაღია", - განაცხადა ანგელა მერკელმა.