აჭარის ავტონომიური რესპუბლიკის ბიუჯეტი 4 %-იანი გადაჭარბებით შესრულდა. როგორც სააგენტო "ჯი-ეიჩ-ენს" აჭარის ფინანსთა და ეკონომიკის სამინისტროში განუცხადეს, 2010 წლის იანვარ-ოქტომბრის აჭარის ბიუჯეტი 103,8 %-ითაა შესრულებული. იანვარ-ოქტომბერში ბიუჯეტის გეგმა 103 მლნ. 387 ათას 300 ლარს შეადგენდა, თუმცა შესრულებამ 107 მლნ. 283 ათას 700 ლარი შეადგინა.
აჭარის ფინანსთა და ეკონომიკის სამინისტროს ინფორმაციით, რაიონებიდან ყველაზე წარმატებულად ხულოს მუნიციპალიტეტის ბიუჯეტი შესრულდა, რომელიც 10 თვეში 124,8 %-ითაა შესრულებული. თრადიციულად გარღვევაა ქობულეთის მუნიციპალური ბიუჯეტის შესრულების კუთხით. იანვარ-ოქტომბრის მონაცემებით, ქობულეთის ბიუჯეტი მხოლოდ 94,4 %-ითაა შესრულებული.