მოძრაობა „ხალხისთვის“ ლიდერი ანა დოლიძე პოლიტიკურ პარტიას აფუძნებს. დოლიძემ პარტიის დასარეგისტრირებლად საჭირო ხელმოწერების შეგროვება დღეს დაიწყო.
დოლიძის თქმით, ახალი პოლიტიკური პარტია მთავარს – სახალხო ინტერესს მოემსახურება.
„როგორც საქართველოს მოსახლეობის უმეტესი ნაწილი, ჩვენც შეწუხებული ვართ იმ პოლიტიკური ჩიხით, რაც შექმნილია ჩვენს პოლიტიკაში. ამ პირობებში, ჩემდამი გამოცხადებული ნდობის გამო, რაც არის მოსახლეობის 18% იმ კონკრეტულ ოლქში, გადავწყვიტეთ, პოლიტიკური პარტია შევქმნათ, რომელიც მთავარს – სახალხო ინტერესს მოემსახურება. ამიტომ პარტიას მარტივად – „ხალხისთვის“ ერქმევა. დღეს ხელმოწერებს ვაგროვებთ, რადგან კანონმდებლობა ხელმოწერების გარკვეულ რაოდენობას მოითხოვს. ჩვენ ამას არ ვაკეთებთ ისე, როგორც სხვა პარტია, კაბინეტში და თავის შემოგარენში, ჩვენ გავდივართ ხალხში!”, – განაცხადა დოლიძემ.
