შეერთებული შტატების სენატმა პრეზიდენტ ჯო ბაიდენის მიერ ნომინირებული მერიკ გარლანდი გენერალური პროკურორის თანამდებობაზე დაამტკიცა.
კოლუმბიის ოლქის სააპელაციო სასამართლოს უკვე ყოფილ მოსამართლეს სენატში 70 სენატორი მიემხრო, 30 კი წინააღმდეგ წავიდა.
2016 წელს მერიკ გარლანდი პრეზიდენტ ბარაკ ობამამ უზენაესი სასამართლოს მოსამართლედ წარადგინა, თუმცა მაშინ მისი კანდიდატურა სენატში რესპუბლიკელებმა დაბლოკეს. გარლანდის კანდიდატურის დაბლოკვას სათავეში სენატის უმრავლესობის მაშინდელი ლიდერი მიჩ მაკკონელი ედგა, რომელმაც ამჯერად მხარი დაუჭირა გარლანდს, როგორც აშშ-ის მომავალ გენერალურ პროკურორს.
