ფრანგი მილიარდერი პოლიტიკოსი ოლივიე დასო ავიაკატასტროფაში დაიღუპა.
ფრანგული მედიის ინფორმაციით, კერძო ვერტმფრენი, რომლითაც 69 წლის პოლიტიკოსი მგზავრობდა, ნორმანდიაში ჩამოვარდა, სადაც მას აგარაკი ჰქონდა. ავიაკატასტროფას ვერტმფრენის პილოტიც ემსხვერპლა.
ოლივიე დასო ფრანგი ბიზნესმენის სერჟ დასოს უფროსი ვაჟი იყო, რომელიც ასევე ფლობდა გავლენიან ფრანგულენოვან გაზეთს "ფიგაროს".
2002 წელს ოლივეი დასო აირჩიეს საფრანგეთის ეროვნული ასამბლეის ქვედა პალატის წევრად.
Forbes-ის მსოფლიოს უმდიდრეს ადამიანთა რეიტინგში ოლივიე დასო 6.3-მილიარდევროიანი ქონებით, 361-ე ადგილს იკავებდა.
