ევროკავშირის მარეგულირებელი, ევროპის მედიკამენტების სააგენტო EMA იწყებს რუსული ვაქცინის Sputnik V-ის შემოწმებას. აღნიშნულთან დაკავშირები მედიკამენტების სააგენტო პრესრელიზს ავრცელებს.
მარეგულირებლის განცხადებით, ვაქცინის შესწავლა დაიწყო ადამიანის მედიცინის კომიტეტმა, რათა დაადგინოს, რამდენად საკმარისია კლინიკური მონაცემები ვაქცინის შემდგომი დამტკიცებისთვის.
ამ დროისთვის, ევროპის მედიკამენტების სააგენტოს დამტკიცებული აქვს Pfizer/BioNTech-ის, Oxford/Astrazeneca-სა და Moderna-ს ვაქცინები. გავრცელებული ინფორმაციით, სააგენტო უახლოს მომავალში დაამტკიცებს Johnson and Johnson-ის ვაქცინას.
ამასთან, ევროპის მედიკამენტების სააგენტოს თავიანთი ვაქცინების დასამტკიცებლად უკვე მიმართეს CureVac-მა და Novavax-მა.
ევროკავშირის წევრ ქვეყნებს შორის რუსულ ვაქცინას უნგრეთი და სლოვაკეთი იყენებს, მიუხედავად იმისა, რომ იგი ევროპის მარეგულირებლის მიერ ჯერჯერობთ არ არის დამტკიცებული.