ჯანმრთელობის მსოფლიო ორგანიზაციის ევროპის რეგიონული ბიუროს დირექტორი ჰანს კლუგე კორონავირუსის პანდემიის დასრულებას 2022 წლის დასაწყისისთვის ვარაუდობს. ამის შესახებ კლუგემ დანიის საზოგადოებრივ მაუწყებელთან საუბრისას განაცხადა.
კლუგეს განცხადებით, 2021 წელს კორონავირუსი კვლავ გავრცელდება, მაგრამ იგი უფრო მეტად მართვადი იქნება, ვიდრე 2020 წელს იყო.
მისივე თქმით, პანდემიასთან დაკავშირებული ყველაზე ცუდი სცენარები უკვე ჩავლილია და მსოფლიომ დღეს გაცილებით მეტი იცის ამ ვირუსის შესახებ, ვიდრე ადრე.
თუმცა, მან ასევე ხაზი გაუსვა იმას, რომ ზუსტად არავის ეცოდინება. რა იქნება პანდემიის მომავალი.
"ვირუსი კვლავ გაგრძელდება, მაგრამ, ვფიქრობ, შეზღუდვები არ იქნება საჭირო. ეს არის ოპტიმისტური მესიჯი", - დასძინა კლუგემ.
ჰანს კლუგემ ასევე ისაურა ვირუსის მუტაციების შესახებ და თქვა, რომ მუტაციები ნორმალური მოვლენაა, "ვირუსი ცდილობს ინფიცირებულ პირს მოერგოს, თუმცა მათი სწრაფი გავრცელება შეშფოთების საგანია".
