კორუფცია საზოგადოების გრძელვადიანი ინტერესების ხარჯზე ძალაუფლების შენარჩუნების საშუალებაა, - წერს სოციალურ ქსელში ზურაბ ჭიაბერაშვილი.
მისი განმარტებით, უნივერსიტეტებში ჩარიცხვის კრიტერიუმად სკოლის ნიშნების შემოღება (რაც სკოლაში კორუფციის ფრთების გაშლას ნიშნავს) ის ხარკია, რომელიც ბიუჯეტის მჭამელმა პოლიტიკურმა ელიტამ საშუალო განათლების ჩამოშლილ სისტემას უნდა გადაუხადოს, რომ არჩევნებზე მათი კეთილგანწყობა დაიბევოს და უბნის კოორდინატორთა ფლანგები გაამაგროს.
"ბიუჯეტი, რომ სწორად იგეგმებოდეს და იხარჯებოდეს, ხომ შეიძლება მასწავლებელთა ხელფასის გაზრდა? შეიძლება. მაგრამ მერე ამას ხარისხზე ზრუნვაც უნდა მოყვეს, რაც არასტაბილურ პოლიტიკურ სისტემას არ აწყობს.
შესაბამისად, მეორე გზაა, სხვას 100 ლარის მოციცქვნის საშუალება მისცე, როდესაც შენ მილიონს იჯიბავ. სწორედ ამიტომ იქცა ფიქციად მასწავლებელთა სერტიფიცირების პროგრამაც.
კორუფციაც კონტრაქტია. მანკიერი კონტრაქტი", - წერს ზურაბ ჭიაბერაშვილი.
