სრულიად სერბეთის 46-ე პატრიარქად ზაგრებისა და ლუბლიანის მიტროპოლიტი პორფირი აირჩიეს.
სერბეთის მართლმადიდებელი ეკლესიის წმინდა სინოდმა 2021 წლის 18 თებერვლის სხდომაზე წმინდა საბას საკათედრო ტაძარში სერბეთის მართლმადიდებელი ეკლესიის ახალ პატრიარქად ზაგრებისა და ლუბლიანის მიტოპოლიტი, უწმინდესი პორფირი (მიროვიჩი) აირჩია.
პატრიარქი პორფირი უმეთაურებს ეკლესიას, რომელსაც დაახლოებით 12-მილიონიანი მრევლი ჰყავს სერბეთში, მონტენეგროში, ბოსნია და ჰერცეგოვინაში, კოსოვოში, შეერთებულ შტატებში, დასავლეთ ევროპასა და ავსტრალიაში.
ახლადარჩეული პატრიარქის ინტრონიზაცია უახლოეს დღეებში გაიმართება.
სერბეთის საპატრიარქო ტახტი გასული წლის ნოემბერში დაქვრივდა მას შემდეგ, რაც კორონავირუსულ ინფექციას პატრიარქი ირინეოსი ემსხვერპლა.
