ძალიან ბევრ ადამიანს სურდა, რომ მე შევსულიყავი პარლამენტში, იყვნენ ალეკო ელისაშვილები და ასე შემდეგ, რომ "პარლამენტში შევიდეთ", "იქედან ვიბრძოლოთ", - აცხადებს ერთიანი ნაციონალური მოძრაობის თავმჯდომარე.
"რომ შევსულიყავი პარლამენტში და მეღალატა ასი ათასობით საქართველოს მოქალაქისთვის, მათი სურვილი რომ არ გამეთვალისწინებინა, ლეგიტიმაცია მიმენიჭებინა პარლამენტისთვის და ალეკო ელისაშვილის გვერდით რომ ვყოფილიყავი, დღეს ეს ყველაფერი რაც პარლამენტში ხდება მოხდებოდა? ანუ უფლებამოსილების შეწყვეტაზე იმსჯელებდნენ? ჩემს დაპატიმრებას ვინმე ახსენებდა? რა თქმა უნდა, არა. ესე იგი სწორად მოვიქეცი", აცხადებს ნიკა მელია.
