- მსოფლიო 14 თებერვალი 2021, 17:15
არაბთა გაერთიანებული საამიროების მისიამ დედამიწაზე მარსის პირველი ფოტო გამოგზავნა
არაბთა გაერთიანებული საამიროების მისიამ დედამიწაზე მარსის პირველი ფოტო გამოგზავნა.
საამიროების ხომალდმა Al Amal-მა (იმედი) 500 მლნ კმ გადალახა და მარსის ორბიტაზე წარმატებით 9 თებერვალს გავიდა.
ფოტოზე გამოსახული ერთ მწკრივად განლაგებული ვულკანები, რომელთა შორის ერთ-ერთია ჩამქრალი ვულკანი ოლიმპო, რომელიც მზის სისტემაში ყველაზე მაღალი მთაა. საფუძვლიდან ოლიმპის სიმაღლეა 21.2 კმ.
სადგურის გაშვება განხორციელდა 20 ივლისს იაპონიის ტანეგასიმის კოსმოსური ცენტრიდან იაპონური რაკეტა-მატარებლის H-IIA-ს მეშვეობით.
აპარატი, რომელიც მარსის ელიპტურ ორბიტაზე 40 ათასი კმ სიმაღლეზე განთავსდება, განკუთვნილია კლიმატისა და პლანეტის ატმოსფეროს ქვედა ფენების შესასწავლად. ის აღჭურვილია სამი კამერით, რომელიც დააკვირდება მარსის ატმოსფეროს ინფრაწითელი და ულტრაისფერი ხილული დიაპაზონებით.
Al Amal-ი პირველად წარმოაჩენს მარსის ატმოსფეროს სრულ სურათს. მთავარი ამოცანაა, გამოვლინდეს ძალები, რომლებიც მარსის კლიმატს განსაზღვრავენ. მისია დაახლოებით ორი წლის განმავლობაში გაგრძელდება.
საემიროები მეხუთე ქვეყანაა მსოფლიოში, რომლის აპარატმაც მარსამდე მიაღწია.
მისია, რომელიც 200 მლნ დოლარად არის შეფასებული, არაბთა გაერთაინებული საემიროების დაარსებიდან 50 წლისთავს ეძღვნება.
