ლიეტუვის პრემიერ-მინისტრის ინგრიდე შიმონიტეს განცხადებით, ქვეყანა არ შეიძენს რუსულ ვაქცინას Sputnik V-ს, თუნდაც ის დამტკიცდეს ევროპის მედიკამენტების სააგენტოს მიერ.
"ლიეტუვა არ იყიდის რუსულ Sputnik V ვაქცინას, მაშინაც კი, თუ ის დამტკიცდება მედიკამენტების ევროპული სააგენტოს მიერ", - განაცხადა შიმონიტემ.
პრემიერ-მინისტრის განცხადებით, ლიეტუვა დამატებით ვაქცინის შესაძენად სხვადასხვა მწარმოებელთან აწარმოებს მოლაპარაკებებს, რომელთა შორის ზოგი უკვე დარეგისტრირებულია ან რეგისტრაციის პროცესშია, ან კიდევ უახლოეს მომავალში დარეგისტრირდება.
"ყოველივე ამის გათვალისწინებით, დარწმუნებული ვარ, რომ არ დაგვჭირდება რუსული ვაქცინის შეძენა", - დასძინა შიმონიტემ.
ლიეტუვაში უკვე დაწყებულია ვაქცინაციის პროცესი. ამ დროისთვის ვაქცინის პირველი დოზა 80 ათასამდე ადამიანმა მიიღო, ხოლო ორივე დოზა დაახლოებით 48 100-მა ადამიანმა.
ლიეტუვაში Pfizer-ის, Moderna-სა და AstraZeneca-ს ვაქცინები გამოიყენება.
