საქართველოს პარლამენტის რეგლამენტში დაგეგმილი ცვლილებების პროექტის თანახმად, განათლების, მეცნიერებისა და კულტურის კომიტეტს, გამოეყოფა კულტურის სფერო და ცალკე კომიტეტად ჩამოყალიბდება.
ცვლილებების პროექტის ავტორია ფრაქცია "ქართული ოცნების" თავმჯდომარე მამუკა მდინარაძე.
პროექტში აღნიშნულია, რომ ცვლილებების მიზანი, კულტურის როგორც უაღრესად მნიშვნელოვანი სფეროს, წარმომადგენელთა ინტერესების მეტად წარმოჩენაა.
ამასთან, პარლამენტს განათლების, მეცნიერების, კულტურისა და სპორტის სამინისტროს რეორგანიზაციასთან დაკავშირებით საკანონმდებლო ცვლილებები წარედგინა.
რეორგანიზების პროექტის მიხედვით, განათლებისა და მეცნიერების სამინისტრო და კულტურის, სპორტისა და ახალგაზრდობის სამინისტრო ცალცალკე უწყებებად ჩამოყალიბდება.
